"Bizim ilkin proqramımız davam edir", - deyə USAF katibi Frank Kendall 15 mart 2023-cü ildə "McAleese & Associates" konfransında bildirib.

İlk uçuşun 2023-cü ilin sonuna kimi həyata keçirilməsi planlaşdırılır.
Kendall həmçinin əlavə edib ki, USAF hələ də B-21-in ilk uçuşunu 2023-cü ilin sonuna qədər həyata keçirməyi planlaşdırır və o, xərc, cədvəl və performans baxımından baza səviyyəsindədir.

Görünüş baxımından B-2 ilə oxşar xüsusiyyətlərə malik olacaq B-21 "Raider" ilk dəfə 2019-cu ildə təqdim edilib. Təxminən 8 min heyətin çalışdığı layihədə bu ilin sonuna qədər ilk uçuşun edilməsi və 2026-cı ildə seriyalı istehsalın başlanması hədəflənir.

Stels texnologiya/aşağı radara görünmə qabiliyyətinə malik olacaq təyyarə, daşıdığı xüsusi sursatla hədəfə çox yaxınlaşmadan atəş həyata keçirə biləcək. Həm pilotlu, həm də pilotsuz olaraq tətbiq ediləcək B-21, əməliyyat bölgəsində uçan PUA sistemlərinə də komanda və idarəetməni təmin edəcək.


6-cı nəsil bombardmançı

"Northrop Grumman", B-21 "Raider"i bombardman və stels sahəsindəki 30 ildən artıq təcrübəsi sayəsində dizayn edib. Layihə ABŞ Hərbi Hava Qüvvələrinin strateji bombardmançı eskadrilyasının növbəti təkamülü adlanır.

Yeni nəsil stels texnologiya, qabaqcıl şəbəkə imkanları və açıq sistem arxitekturası ilə hazırlanmış B-21 yüksək səviyyəli təhlükə mühiti üçün optimallaşdırılmış sistemlərə malikdir. Məqsəd ABŞ Hərbi Hava Qüvvələrinə ən mürəkkəb missiyalarını yerinə yetirməkdə kömək etməkdə mühüm rol oynamaqdır.


Stels xüsusiyyətlər

"Northrop Grumman" şirkəti B-21-in qarşılaşacağı maneələrin zərərsizləşdirilməsi, ərazini bloklayan sistemlərin məğlub edilməsi üçün yeni istehsal üsulları və materiallardan istifadə edərək daim texnologiyanı inkişaf etdirir.

B-21 "Raider" ABŞ hava qüvvələri üçün gələcəyin əsasını təşkil edəcək. Təyyarə məlumatların, sensorların və silahların qabaqcıl inteqrasiyası vasitəsilə yeni qabiliyyət və çeviklik təklif edir.

Həm konvensional, həm də nüvə başlıqlı yükləri daşıya bilən B-21, müxtəlif növ uzaqdan və birbaşa hücum sursatlarından istifadə etmək qabiliyyəti ilə səmada ən təsirli təyyarələrdən biri olacaq.


"Rəqəmsal bombardmançı" təyyarə

Təyyarə əslində "rəqəmsal bombardmançı" təyyarə kimi təsvir edilir. "Northrop Grumman" B-21 proqramında istehsal riskini azaltmağa və müasir davamlılıq təcrübələrini təmin etməyə kömək etmək üçün çevik proqram təminatı, qabaqcıl istehsal üsulları və rəqəmsal mühəndislik alətlərindən istifadə edib.

Cəmi 6 ədəd B-21 "Raider" hazırda "Northrop Grumman"ın Kaliforniya ştatının Palmdale şəhərindəki zavodunda müxtəlif son montaj və sınaq mərhələlərindədir.


Bulud texnologiyası

Təyyarənin bütün yerüstü sistemlərinin məlumatları bulud mühitində saxlanılır. Bu qabiliyyət əməliyyatları və texniki xidməti dəstəkləyəcək B-21 rəqəmsal əkizi də daxil olmaqla B-21 məlumatlarının işlənməsini, yerləşdirilməsini və sınaqdan keçirilməsini əhatə edir. Güclü bulud əsaslı rəqəmsal infrastrukturun daha aşağı xərc infrastrukturu ilə daha davamlı və dözümlü bir təyyarə ilə nəticələnməsi planlaşdırılır.

Açıq memarlıq

Daim inkişaf etməkdə olan təhlükələrə cavab vermək üçün B-21 ilk gündən sürətli təkmilləşmə kursunu götürüb. Əvvəlki nəsil təyyarələrdən fərqli olaraq, B-21 blok təkmilləşdirmələrindən keçməyəcək. Yeni texnologiya, qabiliyyətlər və silahlar çevik proqram təminatı təkmilləşdirmələri və quraşdırılmış aparat çevikliyi vasitəsilə mükəmməl birləşdiriləcək. Bu, B-21 "Raider"in onilliklər ərzində daim inkişaf edən təhlükəyə cavab verməsini təmin edəcək.

Əlverişli qiymət

Uzunmüddətli əməliyyatlar və davamlılıq əvvəldən B-21 proqramının prioriteti olub. ABŞ Hərbi Hava Qüvvələri ilə əməkdaşlıq edən "Northrop Grumman" komandaları daha sərfəli, proqnozlaşdırıla bilən əməliyyatlarda və davamlı nəticələrdə ciddi irəliləyiş əldə ediblər.


Qlobal əhatə dairəsi

B-21 "Raider" ABŞ bombardmançı parkının onurğa sütunu olacaq və ABŞ-ın strateji çəkindirmə strategiyasını dəstəkləmək üçün mühüm atributlar təqdim edəcək. O, döyüş komandanlığı üçün dünyanın istənilən nöqtəsində istənilən hədəfi təhdid altında saxlama imkanı verən təkmil uzun mənzilli dəqiq zərbə imkanlarına əlavə olaraq, kəşfiyyatla daha geniş bir sistem ailəsinin əsas komponenti kimi hazırlanıb.

Adını tarixdən alır

B-21 "Raider", adını polkovnik-leytenant Ceyms “Cimmi” Dulitlin başçılıq etdiyi 80 aviator və 16 ədəd B-25 "Mitchell" bombardmançısının İkinci Dünya Müharibəsində gedişatı dəyişdirən "Doolittle Raid" missiyasından götürüb.

Yaponların Pearl Harbora basqınından sonra 16 ədəd B-25 aviadaşıyıcı gəmilərə yerləşdirildi və ABŞ Yaponiya ərazisinə bombardmançılarla ilk uçuşunu həyata keçirdi. Bu əməliyyatda iştirak edən təyyarəçilərə "Raider"-Akıncı deyilirdi.

Dəyanət Ağalarlı
Ordu.az